Թուրքիայի նախագահ Ռեջեփ Էրդողանի վարչակազմը «ՌԻԱ Նովոստիին» հայտնել է, որ տեղյակ չէ «Զանգեզուրի միջանցքը» կառավարելու ԱՄՆ-ի մտադրության մասին հաղորդագրություններին:
«Մենք տեղյակ չենք այդ մասին, ուստի չենք կարող որևէ բան մեկնաբանել»,- «ՌԻԱ Նովոստի»-ին ասել են Էրդողանի վարչակազմից։
Ավելի վաղ Թուրքիայում ԱՄՆ դեսպան Թոմ Բարաքը հայտարարել էր, որ Միացյալ Նահանգներն առաջարկել է վերահսկողության տակ վերցնել Հայաստանի և Ադրբեջանի միջև նախատեսված տրանսպորտային միջանցքը՝ փորձելով առաջ մղել կովկասյան երկու երկրների միջև վաղուց փակուղային դիվանագիտական բանակցությունները:
ՀՀ վարչապետի մամուլի խոսնակ Նազելի Բաղդասարյանը անդրադառնալով թեմային՝ նշել էր, որ Հայաստանը չի քննարկել ինքնիշխան տարածքի նկատմամբ վերահսկողությունը որևէ երրորդ կողմի արտապատվիրակելը։
