«Քրդստանի աշխատավորական կուսակցությունը» սկսում է զինաթափման գործընթացը։ Սիմվոլիկ արարողությունը կանցկացվի Իրաքի Քրդստանի շրջանում, որին կմասնակցեն 20-30 մարդ։
«Քրդստանի աշխատավորական կուսակցության» մարտիկները մտադիր են վայր դնել և ոչնչացնել զենքը, այլ ոչ թե հանձնել որևէ կառավարության։ Սիմվոլիկ գործընթացը տեղի է ունենում խիստ անվտանգության պայմաններում և ակնկալվում է, որ այն կտևի ամբողջ ամառվա ընթացքում։
Մինչ այդ Թուրքիայի նախագահ Ռեջեփ Թայիփ Էրդողանը հայտարարել էր, որ օտար երկրները չպետք է միջամտեն այս գործընթացին։
Իր պատմության մեծ մասում «Քրդստանի աշխատավորական կուսակցությունը» Թուրքիան, Եվրամիությունը և ԱՄՆ-ն ճանաչել են որպես «ահաբեկչական» կազմակերպություն։ 1984-ից մինչև 2024 թվականը քրդերի և Թուրքիայի միջև հակամարտությանը զոհ է գնացել ավելի քան 40,000 մարդ։ Քրդական առաջնորդ Աբդուլա Օջալանը, ով 1999 թվականից բանտարկված է Թուրքիայում, տեսաուղերձ է տարածել՝ հայտարարելով, որ պայքարը Թուրքիայի դեմ ավարտված է։
