Ֆրանսիայի նախագահ Էմանուել Մակրոնի եւ Մեծ Բրիտանիայի վարչապետ Քիր Սթարմերի հարաբերություններում սկսել են ճաքեր հայտնվել, դա սպառնում է պատերազմում Ուկրաինային աջակցող «կամավորների կոալիցիայի» պառակտմամբ․ գրում է Politico-ն:
Պարբերականը նշում է, որ երկու առաջնորդների հարաբերություններում «ճաքերի» գլխավոր պատճառը ԱՄՆ-ի հետ հարաբերություններն են։
Նշվում է, որ Լոնդոնն ու Փարիզը մինչ օրս սերտորեն համակարգում են իրենց գործողությունները՝ փորձելով Դոնալդ Թրամփին պահել Ուկրաինայի հարցով խաղաղության բանակցություններում: Այնուամենայնիվ, քանի որ առաջընթացը կանգ է առել, բրիտանացի և ֆրանսիացի պաշտոնյաներն ավելի շատ են վրդովմունք հայտնում առ այն, թե ինչպես է մյուս կողմը որոշել վարվել ԱՄՆ նախագահի հետ:
Մասնավորապես, ենթադրվում է, որ Մակրոնը դժգոհ է Սթարմերի և Թրամփի միջև կնքված համաձայնագրից՝ Բրիտանիայի ապրանքների համար ԱՄՆ-ի մաքսատուրքերը մեղմելու վերաբերյալ, մինչդեռ Ֆրանսիան շարունակում է ընկնել ԵՄ-ի համար սահմանված պատժամիջոցների տակ:
