Հաջորդ շաբաթ Վրաստանի խորհրդարանը կքննարկի «Գախարիա՝ հանուն Վրաստանի» կուսակցության պատգամավորների լիազորությունները դադարեցնելու հարցը։
«Հանուն Վրաստանի» կոալիցիան խորհրդարանական ընտրություններում ստացել է ձայների 7.8%-ը և ունի 12 մանդատ։ Կուսակցությունը մտել է խորհրդարան, սակայն առաջին օրվանից բոյկոտում է նրա աշխատանքը։
«Կանցկացվի բոլոր 12 պատգամավորների կոնկրետ ստուգում։ «Հանուն Վրաստանի» կուսակցության անդամները առանց հարգելի պատճառի բացակայում են խորհրդարանի նիստերից՝ խախտելով Վրաստանի խորհրդարանի կանոնակարգը։ Տեխնիկապես, մեր խնդիրն է ստուգել այս հարցը և պատրաստել եզրակացություն»,- հայտարարել է Վրաստանի խորհրդարանի պատգամավոր Դավիթ Մատիկաշվիլին։
