Ադրբեջանի ԱԳՆ-ն հայտարարություն է տարածել՝ ողջունելով Իսրայելի և Իրանի միջև հայտարարված հաշտությունը: Հայտարարությունում ընդգծվում է, որ սա կարևոր քայլ է տարածաշրջանում լարվածության նվազեցման և կայունության վերականգնման ուղղությամբ:
Բաքուն բարձր է գնահատել բոլոր այն կողմերի ջանքերը, որոնք նպաստել են համաձայնության ձեռքբերմանը, և կոչ է արել լիովին կատարել հաշտության պայմանները՝ նոր զոհերից և տառապանքներից խուսափելու նպատակով:
Ադրբեջանի ԱԳՆ-ն նաև հայտնել է իր պատրաստակամությունը՝ աջակցելու կայուն խաղաղության, անվտանգության և տարածաշրջանային համագործակցության ամրապնդմանն ուղղված նախաձեռնություններին:
