Թել Ավիվի Բեն Գուրիոն օդանավակայանն այսօրվանից վերսկսում է աշխատանքը, իսրայելական լրատվամիջոցների փոխանցմամբ՝ հայտարարել է Իսրայելի տրանսպորտի նախարարությունը։
Նշվում է, որ օդանավակայանը կաշխատի սահմանափակումներով. տերմինալ 3-ում միաժամանակ կարող է լինել ոչ ավելի, քան 1500 ուղևոր։ Յուրաքանչյուր չվերթի համար կարող է գրանցվել 50-ից ոչ ավելի մարդ։
«Մենք պետք է սահմանափակենք ինքնաթիռների ուղևորների թիվը այս դժվարին ժամանակահատվածում, քանի որ օդանավակայանը կարող է թիրախ դառնալ»,- ասված է հայտարարության մեջ:
Այս օդանավակայանը դադարեցրել էր աշխատանքը հունիսի 13-ին։
