ԱՄՆ նախագահ Դոնալդ Թրամփն Իրանի վրա հնարավոր հարձակման վերաբերյալ որոշում կկայացնի առաջիկա 2 շաբաթվա ընթացքում, հայտարարել է Սպիտակ տան մամուլի քարտուղար Քերոլայն Լևիթը։
«Իրանի շուրջ ստեղծված իրավիճակի վերաբերյալ ես հասկանում եմ, որ լրատվամիջոցներում շատ են ենթադրությունները նախագահի որոշումների և ԱՄՆ-ի հնարավոր անմիջական ներգրավվածության վերաբերյալ։
Այս առումով ես ունեմ նախագահից ուղղակիորեն ստացված հայտարարություն, և մեջբերում եմ. «Հաշվի առնելով, որ Իրանի հետ բանակցությունների զգալի հավանականություն կա, որոնք կարող են տեղի ունենալ կամ չլինել, ես որոշում կկայացնեմ՝ առաջ շարժվե՞լ, թե՞ ոչ՝ առաջիկա երկու շաբաթվա ընթացքում»,- ընդգծել է խոսնակը։
Նրա խոսքով՝ ԱՄՆ-ն, սակայն, պնդում է, որ Իրանի հետ հնարավոր գործարքը պետք է ներառի ուրանի հարստացման արգելք։
