Ադրբեջանի նախագահ Իլհամ Ալիևը Ռուսաստանի օրվա առթիվ շնորհավորական նամակ է հղել Ռուսաստանի նախագահ Վլադիմիր Պուտինին:
«Ադրբեջանի և Ռուսաստանի ժողովուրդներին դարեր շարունակ կապում են ավանդական սերտ բարեկամական, բարիդրացիական և փոխշահավետ հարաբերությունները: Այսօր այդ վեհ ավանդույթները հուսալի հիմք են հանդիսանում մեր միջպետական կապերի համակողմանի զարգացման և հարցերի լայն շրջանակի շուրջ համագործակցության խորացման համար:
Վստահ եմ, որ հանուն մեր բարեկամ ժողովուրդների և երկրների շահերի՝ մենք այսուհետ ևս կգործադրենք բոլոր ջանքերը ռուս-ադրբեջանական հարաբերությունների ամրապնդման, ռազմավարական գործընկերության և դաշնակցային ոգով բազմապլանային փոխգործակցության ընդլայնման համար»,- մաղթել է Ալիևը։
