Միջազգային
«Առաջնորդը հստակ հայտարարել է՝ Իրանը միջուկային զենք չի ստեղծի». Փեզեշքիան
Իրանի նախագահ Մասուդ Փեզեշքիանը հայտարարել է, որ Միացյալ Նահանգների հետ ցանկացած բանակցությունների հիմքը Իրանի գերագույն առաջնորդի կողմից սահմանված դրույթներն են, ոչ թե այլ երկրների կողմից ճնշումները կամ հարկադրանքը.
«ԱՄՆ-ի հետ բանակցությունները կառուցվում են հեղափոխության առաջնորդի որոշած քաղաքականության հիման վրա։ Մենք երբեք չենք ընդունի այն պայմանները, որոնց դեպքում պետք է ամբողջությամբ դադարեցնենք գիտական հետազոտությունները, իսկ հետո սպասենք Արեւմուտքի հավանությանը՝ արդյունաբերության, բժշկության, գյուղատնտեսության և այլ գիտությունների համար անհրաժեշտ միջուկային նյութեր ստանալու համար», - ասել է Փեզեշքիանը:
«Ո՞վ է նրանց իրավունք տվել որոշել՝ կարող ենք գիտական հետազոտություններով զբաղվել, թե ոչ։ Մենք երբեք չենք խոնարհվի ճնշման առաջ։ Առաջնորդը հստակ հայտարարել է, որ Իրանը միջուկային զենք չի ստեղծի, և դա մեր հաստատուն դիրքորոշումն է»,- ընդգծել է նա։
