ԱՄՆ նախագահ Դոնալդ Թրամփը հրամանագիր է ստորագրել պողպատի և ալյումինի սակագինը 25-ից մինչև 50% բարձրացնելու մասին․ հաղորդում է Սպիտակ տունը:
Այս միջոցառումն ուժի մեջ կմտնի հունիսի 4-ից և ուղղված կլինի Ամերիկայի արդյունաբերության կարևորագույն պողպատաձուլական և ալյումինագործական ճյուղերի պաշտպանությանը, որոնք տուժել են անարդար առևտրային պրակտիկայից:
Սպիտակ տունը բացատրում է, որ արտասահմանյան երկրները հեղեղել են ԱՄՆ շուկան էժան պողպատով և ալյումինով, որոնք հաճախ սուբսիդավորվում են իրենց կառավարությունների կողմից:
Արդյունքում, ամերիկյան պողպատի արդյունաբերության հզորությունը 2021 թվականի 80% -ից նվազել է մինչև 2023 թվականի 75,3%:
Միացյալ Թագավորությունը միակ երկիրն է, որին չի անդրադառնա սակագնի բարձրացումը՝ պահպանելով այն 25%–ի մակարդակում, սակայն հուլիսի 9-ից հնարավոր են փոփոխություններ՝ կախված ԱՄՆ-Բրիտանիա համաձայնագրի կարգավիճակից:
