Ուկրաինայի պաշտպանության նախարար Ռուստեմ Ումերովը, ով գլխավորում է Ուկրաինայի պատվիրակությունը ՌԴ նախագահի օգնական Վլադիմիր Մեդինսկուն է փոխանցել Ուկրաինական դիրքորոշմաn փաստաթուղթը: Այս մասին պաշտպանության նախարարը հայտնել Է «X»-ի իր էջում։
«Ցավոք, ռուսական կողմը փորձել է ձգձգել այդ գործընթացը», - հայտնել Է Ումերովը: Միևնույն ժամանակ, նա նշել է, որ ռուսների վրա ճնշումն աշխատել է։
«Նախագահ Թրամփի, եվրոպական առաջնորդների, նախագահ Զելենսկու կոշտ հայտարարություններից հետո, որոնք ապացուցեցին, որ աշխարհը միավորված Է Ուկրաինայի համար խաղաղության հասնելու շուրջ, ռուսները վերջապես հայտնեցին, որ ավարտել են իրենց «հուշագիրը», - ասել է Ումերովը:
Սակայն, ինչպես ընդգծել է պաշտպանության նախարարը, ռուսները ձգձգում են փաստաթղթի փոխանցումը։
«Ես ռուսական պատվիրակության ղեկավարին եմ փոխանցել մեր փաստաթուղթը, որն արտացոլում է ուկրաինական դիրքորոշումը։ Նրանք ստացել են այդ փաստաթուղթը», - ընդգծել է Ումերովը։
