Բրազիլիայի նախագահ Լուլա դա Սիլվան հայտարարել է, որ մտադիր է անձամբ համոզել Վլադիմիր Պուտինին՝ մասնակցել Ստամբուլում նախատեսված խաղաղության բանակցություններին: Նա Չինաստանից վերադառնալու ճանապարհին կանգ կառնի Մոսկվայում և կփորձի խոսել Պուտինի հետ։
«Ինձ համար դժվար չէ ասել՝ հեյ, ընկեր Պուտին, գնա Ստամբուլ և, գրողը տանի, բանակցիր»,- ասել է Բրազիլիայի նախագահը։
Բրազիլիայի նախագահը Պեկինում մասնակցել է ՉԺՀ նախագահ Սի Ցզինպինի հետ Լատինական Ամերիկայի երկրների ներկայացուցիչների հանդիպմանը: Համատեղ հռչակագրում Լուլան և Սին ընդգծել են, որ բանակցությունները Ուկրաինայում պատերազմը դադարեցնելու «միակ ճանապարհն» են:
