Պակիստանը հայտարարել է Հնդկաստանի դեմ լայնածավալ ռազմական գործողություն սկսելու մասին։
Երկրի բանակը հայտարարել է, որ հարվածներ են հասցրել Հնդկաստանի ռազմական թիրախներին՝ ի պատասխան «հնդկական ագրեսիայի»։
«Պակիստանը լայնածավալ ռազմական գործողություն է սկսել Հնդկաստանի դեմ, որը կոչվում է Բունյան-ում-Մարսուս»,- հայտնել են երկրի բանակից։
Նշվում է, որ կիրառվել են բալիստիկ հրթիռներ։
Պակիստանի վարչապետը արտակարգ նիստ է հրավիրել Ազգային հրամանատարական մարմնին, որը պատասխանատու է երկրի միջուկային զինանոցի վերահսկման համար:
