ԱՄՆ նախագահ Դոնալդ Թրամփն Սպիտակ տանն այսօր ընդունել է Կանադայի վարչապետ Մարկ Քարնիին։ ԱՄՆ նախագահը նշել է, որ նախկինի պես կարծում է, թե Կանադան պետք է դառնա ԱՄՆ-ի 51-րդ նահանգը։
Ի պատասխան՝ Քարնին նշել է, որ Կանադան չի վաճառվում և երբեք չի վաճառվի։ Թրամփն ընդգծել է՝ «Երբեք մի ասա երբեք»։
ԱՄՆ նախագահն այս հանդիպման ժամանակ նաև խոստացել է կարևոր հայտարարություն անել մայիսի 8-ին կամ 9-ին։
«Այս հայտարարությունը կարվի հինգշաբթի, ուրբաթ կամ երկուշաբթի՝ մեր (Մերձավոր Արևելք - խմբ.) մեկնելուց առաջ, բայց դա կլինի ամենակարևոր հայտարարություններից մեկը, որը արվել է երկար տարիների ընթացքում որոշակի թեմայի շուրջ, շատ կարևոր թեմայի»,- ասել է նա։
Սպիտակ տան ղեկավարը, սակայն, չի մանրամասնել, թե ինչ թեմայի մասին է խոսքը, բայց հավելել է, որ հայտարարությունը շատ դրական կլինի։
