Թրամփի վարչակազմը Կոնգրեսին տեղեկացրել է ուղղակի վաճառքի միջոցով 50 միլիոն կամ ավելի արժողությամբ պաշտպանական նշանակության արտադրանքն Ուկրաինա արտահանելուն կանաչ լույս տալու մտադրության մասին:
Սա Թրամփի նախագահական երկրորդ ժամկետի ընթացքում առաջին նմանատիպ որոշումն է այն բանից հետո, երբ վարչակազմը սառեցրել էր Ուկրաինային ռազմական օգնությունը։ Թրամփը հայտարարել է, որ իր վարչակազմի առաջնահերթությունն է դիվանագիտական ճանապարհով ավարտել պատերազմը, այլ ոչ թե երկարատև ռազմական աջակցությամբ։
Չնայած կանխատեսումներին, որ Թրամփը լիովին կդադարեցնի Ուկրաինային զենքի մատակարարումը, Կոնգրեսն արդեն հաստատել է ավելի քան 1 միլիոն դոլար արժողությամբ նման վաճառք։ Բայդենի վարչակազմը թույլ էր տվել այդ միջոցներից մի մասն օգտագործել, օրինակ՝ 50 կալիբր ավտոմատ գնդացիրների փոխանցման համար։
2015-2023 թվականներին ԱՄՆ-ն հանգիստ կերպով հաստատել էր Ուկրաինային ավելի քան 1.6 միլիարդ դոլարի պաշտպանական ապրանքների և ծառայությունների մշտական արտահանում՝ հենց DCS ծրագրի շրջանակում։
50 միլիոն դոլար արժողությամբ գործարքը ներկայացվել է Կոնգրեսին «Զենքի արտահանման վերահսկման մասին» օրենքի հիման վրա։ Այն ներառում է տեխնիկական տվյալների և պաշտպանական ծառայությունների արտահանում Ուկրաինա։
Այս քայլը համընկնում է Ուկրաինայի նախագահ Վլադիմիր Զելենսկու հայտարարության հետ՝ ըստ որի Կիևը պատրաստվում է գնել 30-50 միլիարդ դոլար արժողությամբ հակաօդային պաշտպանության համակարգեր և զենք ԱՄՆ-ից՝ որպես ապագա անվտանգության երաշխիքներ։
