Գերմանիայի սոցիալ-դեմոկրատները պաշտպանել են Քրիստոնեա-դեմոկրատական և քրիստոնեա-սոցիալական միության պահպանողական դաշինքի հետ կոալիցիայի համաձայնագիրը․ չորեքշաբթի օրը հայտարարել է կուսակցությունը՝ վերացնելով նոր կառավարության ձևավորման վերջին խոչընդոտը:
Համաձայնագիրը ճանապարհ կհարթի նոր կաբինետի ձևավորման համար, որը կգլխավորի Քրիստոնեա-դեմոկրատական միության առաջնորդ Ֆրիդրիխ Մերցը։
Բունդեսթագի նիստը, որտեղ կընտրվի կանցլերը, նախատեսված է մայիսի 6-ին:
Եվրոպայի խոշորագույն տնտեսության վերականգնումը Գերմանիայի հաջորդ կառավարության գլխավոր առաջնահերթությունն է՝ մտավախությունների ֆոնին, որ ԱՄՆ նախագահ Դոնալդ Թրամփի մաքսատուրքերի մասին հայտարարություններով առաջացած առևտրային պատերազմը կարող է ավելի վնասել արտահանման վրա հիմնված տնտեսությանը:
