Այսօր Թբիլիսիի երկաթուղային կայարանի շուկայի առևտրականները մասշտաբային հրդեհից հետո խոսել են հրդեհի դրա ծավալների մասին։
Վաճառողների խոսքով՝ հրդեհը սկսվել է առավոտյան ժամը մոտ վեցին։ Այրվել են հագուստի, բանջարեղենի և մրգերի համար օգտագործվող պահեստներ։
Արտակարգ իրավիճակների կառավարման ծառայությունից հայտնում են, որ ժամը 09։10-ի դրությամբ հրդեհը հիմնականում մարվել է։ Փրկարարները շարունակում են աշխատանքները դեռ ծխացող տարածքներում։
Հրդեհը մարելուն ներգրավվել է 30 հրշեջ բրիգադ։ Անվտանգության նկատառումներից ելնելով՝ տարածքում գտնվող կլինիկաների հիվանդներն ու աշխատակիցները նույնպես տարհանվել են լուսադեմին, քանի որ հայտնվել են ծխով լցված տարածքում:
Հրդեհի մակերեսը կազմում է մոտ 15 հազար քառակուսի մետր։ Վնասի չափը դեռ չի հաղորդվում, հրդեհի պատճառը՝ նույնպես։
