Միջազգային
Պուտինին զեկուցվել է Կուրսկի շրջանի ազատագրման գործողության ավարտի մասին
ՌԴ նախագահ Վլադիմիր Պուտինին զեկուցվել է Ուկրաինայի զինված ուժերից Կուրսկի շրջանի ազատագրման գործողության ավարտի մասին։ Այդ մասին հայտնում են ռուսական ԶԼՄ-ները։
Այդ կապակցությամբ Պուտինը շնորհավորել և շնորհակալություն է հայտնել այն զորամասերի անձնակազմին, որոնք մասնակցել են գործողությանը։
«Կիևի ռեժիմի արկածախնդրությունը լիովին ձախողվել է։
Կուրսկի սահմանային շրջանում հակառակորդի լիակատար պարտությունը պայմաններ է ստեղծում ռազմաճակատի մյուս կարևոր հատվածներում մեր զորքերի հետագա հաջող գործողությունների համար և մոտեցնում նեոնացիստական ռեժիմի պարտությունը։
Շնորհավորում եմ ողջ անձնակազմին, բոլոր մարտիկներին ու հրամանատարներին այս հաջողության, հաղթանակի կապակցությամբ։ Շնորհակալ եմ ձեր քաջության, հերոսության և մեր հայրենիքին և Ռուսաստանի ժողովրդին մատուցած ծառայության համար»,- հայտարարել է Պուտինը։
