Վոլոդիմիր Զելենսկու գլխավորությամբ Ուկրաինան չի ստորագրել Միացյալ Նահանգների հետ հազվագյուտ հողային տարրերի վերաբերյալ շատ կարևոր համաձայնագրի վերջնական փաստաթղթերը, սոցցանցի էջում գրել է ԱՄՆ նախագահ Դոնալդ Թրամփը։
Նրա խոսքով՝ այն առնվազն երեք շաբաթ ուշացել է։ Թրամփը հույս է հայտնել, որ այն անմիջապես կստորագրվի։
Անդրադառնալով ռուս-ուկրաինական հակամարտությանը՝ ԱՄՆ նախագահն ընդգծել է, որ Ռուսաստանի և Ուկրաինայի միջև ընդհանուր խաղաղության համաձայնագրի շուրջ աշխատանքները սահուն են ընթանում և հավելել, որ հաջողությունը, կարծես թե, դեռ առջևում է։
