ՌԴ նախագահի մամուլի քարտուղար Դմիտրի Պեսկովը ճեպազրույցում հայտնել է, որ Լոնդոնում Ուկրաինայի հարցով ավելի բարձր մակարդակի հանդիպում անցկացնելու պլանները դադարեցվել են մասնակիցների միջև փոխզիջման չհասնելու պատճառով: Պեսկովի մյուս հայտարարությունները․
- Մոսկվան նկատում է որոշակի տարաձայնություններ Ուկրաինայի կարգավորման բանակցային գործընթացում՝ ԱՄՆ-ի, Եվրոպայի և Ուկրաինայի միջև։
- Ռուսաստանի համար անընդունելի է ՆԱՏՕ-ի ռազմական զորախմբի տեղակայումը Ուկրաինայում, ինչը կրիտիկական վտանգ է ներկայացնում համաշխարհային անվտանգության համար։
- Լոնդոնում Ուկրաինայի հարցով ավելի բարձր մակարդակի հանդիպում անցկացնելու պլանները դադարեցվել են մասնակիցների միջև փոխզիջման չհասնելու պատճառով:
- Կրեմլը չի պատրաստվում մեկնաբանել Ուկրաինայի «խաղաղության պլանի» ենթադրյալ մանրամասների արտահոսքերը։
- Թրամփի հայտարարությունն այն մասին, որ Ուկրաինան շատ տարիներ առաջ արդեն կորցրել է Ղրիմը, լիովին համահունչ է Մոսկվայի պատկերացմանը։
- Զատկի հրադադարը բազմիցս խախտվել է Կիևի կողմից, այն ավարտվել է, և ռուսական զինված ուժերը շարունակում են իրենց առաջադրանքների կատարումը։
