Հռոմի կաթոլիկ եկեղեցու առաջնորդը մահացել է երեկ՝ ապրիլի 21-ի առավոտյան։ Ինչպես հաղորդում է Վատիկանի պաշտոնական Vatican News լրատվական պորտալը, նույն օրը, ժամը 20.00-ի սահմաններում, ընթերցվել Է Ֆրանցիսկոս Պապի մահվան մասին պաշտոնական ակտը, իսկ նրա մարմինը դրվել է դագաղի մեջ:
Դրանից հետո Կամերլենգոյի (պապության ժամանակավոր ղեկավար) կարդինալ Քևին Ֆարելի, Վատիկանի պետքարտուղար Կարդինալ Պիետրո Պարոլինի և արքեպիսկոպոս Էդգար Պենա Պարրայի հետ միասին փակվել և կնքվել են պապական պալատում և նրա նստավայրում գտնվող Հռոմի Ֆրանցիսկոս պապի անձնական պալատները: Այս միջոցառումները անցումային գործընթացի մի մասն են, որը սկսվում է Պապի մահվան պահից և շարունակվում է մինչև նոր հովվապետի ընտրությունը:
Կարդինալ Ֆարելի Կամերլենգոյի հսկողության ներքո մուրճով ջարդվել է նաև պապական տպագիր մատանին՝ ձկնորսի պատկերով։
Այս ընթացակարգը նշում է Sede Vacante ժամանակաշրջանի սկիզբը (լատիներենից թարգմանաբար «թափուր գահ») և նախորդում է կոնկլավի նախապատրաստմանը, որը կընտրի Հռոմեական կաթոլիկ եկեղեցու նոր ղեկավարին: Տարածքների կնքումը երաշխավորում է հանգուցյալ Պապի փաստաթղթերի և անձնական իրերի անվտանգությունը, նախքան դրանք հաջորդին հանձնելը: Վատիկանի պաշտոնական կայքը նույնպես թարմացրել է տեղեկատվությունը՝ նշելով Sede Vacante-ի կարգավիճակը:
