Միջազգային
«Կրակոցները, հնարավոր է, արձակվել են ադրբեջանական դիրքերից». ԵՄ դիտորդներ
22 Ապրիլի, 12:40
ԵՄ դիտորդական առաքելությունն իր հաղորդագրության մեջ հայտնել է, որ արձանագրել է քաղաքացիական ենթակառուցվածքների վրա սահմանային կրակոցների հետևանքները։
«Մինչև Զատկի հանգստյան օրերը ԵՄ դիտորդական առաքելությունը 27 օր ու գիշեր պարեկություն է իրականացրել իր գործունեության տարածքում, այդ թվում՝ Խոզնավար, Խնածախ և Արավուս գյուղերում։
Խոզնավարում EUMA-ն արձանագրել է երկու կրակոց, որոնք վնասել են քաղաքացիական ենթակառուցվածքը․ հնարավոր է, դրանք արձակվել են այդ տարածքում գտնվող ադրբեջանական դիրքերից»,- ասվում է առաքելության հրապարակման մեջ։
