ՌԴ ԱԳՆ խոսնակ Մարիա Զախարովան հանդես է եկել ամենշաբաթյա ճեպազրույցով։ Ներկայացնում ենք նրա հիմնական հայտարարությունները.
- Ռուս-ամերիկյան հանդիպումը՝ նվիրված դիվանագիտական ներկայացուցչությունների աշխատանքի կարգավորմանը, տեղի կունենա Թուրքիայում՝ ապրիլի 10-ին։
- Ուկրաինայում ցանկացած օտարերկրյա ռազմական ներկայություն Ռուսաստանը կդիտարկի որպես սպառնալիք իր անվտանգությանը, և դա կարող է հանգեցնել ուղղակի բախման վտանգի։
- Մոսկվայում Ֆրանսիայի դեսպանը կանչվել է ՌԴ ԱԳՆ։ Պատճառը Ֆրանսիայի սահմանապահ ծառայության կողմից ապրիլի 6-ին ՌԴ ԱԳՆ աշխատակցուհու ձերբակալությունն է։
- Սպիտակ տան վերջին մաքսային որոշումները ցույց են տալիս, որ Վաշինգտոնն այլևս իրեն պարտավորեցված չի համարում միջազգային առևտրային իրավունքի նորմերով։
- Թուրքիայի Անթալիայում, դիվանագիտական ֆորումի շրջանակներում, ՌԴ ԱԳ նախարար Լավրովի և Ուկրաինայի ԱԳ նախարար Սիբիգայի հանդիպում կազմակերպելու վերաբերյալ առաջարկներ Ուկրաինայի կողմից չեն ստացվել։
- Ռուսաստանը մտահոգված է ԱՄՆ-ի և Չինաստանի միջև «մաքսային պատերազմով», հետևում է իրադարձությունների զարգացմանը և միջոցներ կձեռնարկի վնասը նվազագույնի հասցնելու համար։
- Ռուսաստանը հանդես է գալիս արդար և թափանցիկ առևտրային հարաբերությունների օգտին՝ դեմ արտահայտվելով միակողմանի սահմանափակումներին։
