Ադրբեջանի նախագահ Իլհամ Ալիևը հայտարարել է, որ իր երկիրը չի կատարելու Եվրոպական դատարանի որոշումները։ Նա բացատրել է, որ պատճառը ԵԽԽՎ-ում Ադրբեջանի պատվիրակության լիազորությունների կասեցումն է։
«Եթե պատվիրակությունը չի մասնակցում վեհաժողովի նիստերին և չի կարող քվեարկել Մարդու իրավունքների եվրոպական դատարանի դատավորների ընտրության համար, ապա այդ դատարանի՝ Ադրբեջանի վերաբերյալ որոշումները կհամարվեն անվավեր։ Մենք զրկված ենք ձայնի իրավունքից։ Մենք չենք քվեարկել այդ դատավորների օգտին և չգիտենք, թե ովքեր են նրանք», - նշել է Ալիևը։
2024 թվականի հունվարին ԵԽԽՎ-ն հրաժարվեց հաստատել Ադրբեջանի պատվիրակության լիազորությունները։ Բանաձևի ընդունման օգտին քվեարկել է 90 պատգամավոր, դեմ՝ 76, չորսը ձեռնպահ են մնացել։
