Չինաստանը հայտարարել է, որ «կպայքարի մինչև վերջ» և հակաքայլեր կձեռնարկի ԱՄՆ-ի դեմ՝ պաշտպանելու իր շահերը: Սա արվել է այն բանից հետո, երբ նախագահ Դոնալդ Թրամփը սպառնացել է Չինաստանից ներմուծվող ապրանքների վրա 50%-ով բարձրացնել մաքսատուրքերը:
Չինաստանի առևտրի նախարարությունը հայտարարել է, որ ԱՄՆ-ի կողմից այսպես կոչված «փոխադարձ մաքսատուրքերի» սահմանումը «ամբողջովին անհիմն է և միակողմանի ճնշման տիպիկ օրինակ է»:
Աշխարհի երկրորդ խոշոր տնտեսություն ունեցող Չինաստանն արդեն պատասխան մաքսատուրքեր է սահմանել և նախարարության վերջին հայտարարությունից երևում է, որ կարող են նոր պատժամիջոցներ ավելանալ։
«Չինաստանի ընդունած հակաքայլերը ուղղված են իր ինքնիշխանությունը, անվտանգությունն ու զարգացման շահերը պաշտպանելուն, ինչպես նաև միջազգային առևտրի կարգը պահպանելուն: Դրանք լիովին օրինական են»,- ասել է նախարարությունը:
«ԱՄՆ-ի սպառնալիքը՝ բարձրացնել Չինաստանի դեմ մաքսատուրքերը, սխալի վրա ավելացված սխալ է և կրկին ցույց է տալիս ԱՄՆ-ի շանտաժի էությունը: Չինաստանը երբեք չի ընդունի սա: Եթե ԱՄՆ-ն շարունակի իր ճանապարհով, Չինաստանը կպայքարի մինչև վերջ»,- հավելել են նրանք:
