Միջազգային
Ասիական շուկաների խոր անկում՝ ԱՄՆ-Չինաստան առևտրային լարվածությունից հետո
Ասիական շուկաներում անկում է։ Այն սկսվել է ԱՄՆ նախագահ Դոնալդ Թրամփի առևտրային պատերազմի և Չինաստանի անսպասելի բարձր տուրքերին համարժեք ուժեղ արձագանքի արդյունքում․ հայտնում է CNN-ը:
Ճապոնիայում հիմնական Nikkei ինդեքսը նվազել է ավելի քան 8%-ով, մինչդեռ ավելի լայն Topix ինդեքսը վերջին անգամ նվազել է 6.5%-ով՝ նախորդ մեծ անկումից հետո վերականգնվելով:
Չինաստանում Shanghai Composite ինդեքսը վերջին անգամ նվազել էր 6.7%-ով, իսկ CSI300 ինդեքսը կորցրել էր 7.5%-ը: Հոնկոնգում Hang Seng ինդեքսը բացվել էր ավելի քան 9% անկմամբ:
Չինական տեխնոլոգիական հսկաներ Alibaba-ն և Tencent-ը նվազել են համապատասխանաբար ավելի քան 14% և 10%-ով:
Թայվանի Taiex բորսայական ինդեքսը երկուշաբթի փակվել է 9,7% անկումով։ Ավստրալիայում ASX 200 ինդեքսը փակվել է 4,2% անկումով, իսկ Նոր Զելանդիայի NZX 50 ինդեքսը՝ 3,7%-ով։
Հարավային Կորեայի Kospi-ն բացումից անմիջապես հետո ընկել է ավելի քան 4,8% -ով:
Կիրակի երեկոյան ամերիկյան բաժնետոմսերի ֆյուչերսները կտրուկ ընկել են վաճառքի երկու նստաշրջաններից հետո, ինչը հանգեցրել է ավելի քան 5,4 տրիլիոն դոլարի շուկայական արժեքի կորստի: Ուրբաթ օրը ԱՄՆ ֆոնդային ինդեքսները կտրուկ անկում են ապրել այն բանից հետո, երբ Չինաստանը կտրուկ պատասխան քայլեր ձեռնարկեց՝ 34% մաքսատուրքեր սահմանելով ամերիկյան բոլոր ապրանքների վրա։
