Միջազգային
Ավելի քան 50 երկրներ դիմել են ԱՄՆ վարչակազմին՝ մաքսատուրքերի շուրջ բանակցությունների հարցով
Սպիտակ տան Ազգային տնտեսական խորհրդի տնօրեն Քևին Հասեթը կիրակի օրը ABC-ին տված հարցազրույցում ասել է, որ ավելի քան 50 երկրներ արդեն դիմել են ԱՄՆ վարչակազմին՝ սահմանվող մաքսատուրքերը լուծելու համար բանակցություններ վարելու համար։
«Ոչ մի ուշացում չկա: Նրանք միանշանակ մեզ հետ են օրերով և շաբաթներով, դա ակնհայտ է: Նախագահը (ԱՄՆ Դոնալդ Թրամփը - խմբ.) պետք է վերականգնի համաշխարհային առևտուրը»,- ասել է նա։
ԱՄՆ առևտրի նախարար Հովարդ Լաթնիկն էլ հայտարարել է, որ ԱՄՆ-ը չի հետաձգի մաքսատուրքերի կիրառումը, չնայած որոշ գործընկերների մտադրությանը՝ բանակցել այդ թեմայով։
Հիշեցնենք, որ օրերս Թրամփը հայտարարեց 185 երկրներից ներմուծվող ապրանքների համար «փոխադարձ» մաքսատուրքեր սահմանելու մասին։ Նա նաև պատրաստակամություն է հայտնել բանակցություններ վարել առևտրային հարցերի շուրջ։
Բազային հարկային դրույքաչափը կկազմի 10%, ընդ որում երկրների մեծ մասի հետ կկանգնեն բարձրացված դրույքաչափեր, որոնք Միացյալ Նահանգների առևտրային ներկայացուցչի գրասենյակի բացատրությամբ, հաշվարկվել են որոշակի երկրի հետ ԱՄՆ առևտրային դեֆիցիտի հիման վրա, որպեսզի դեֆիցիտի փոխարեն լինի մնացորդ:
Թրամփի խոսքով՝ սա ԱՄՆ-ի համար կդառնա «տնտեսական անկախության հռչակագիր» և կօգնի օգտագործել «տրիլիոնավոր և տրիլիոն դոլարներ» պետական պարտքը մարելու համար։
