Միջազգային
Էստոնիայի արտգործնախարարն առաջարկում է Վիկտոր Օրբանին զրկել ԵՄ խորհրդում ձայնի իրավունքից
Էստոնիայի արտաքին գործերի նախարար Մարգուս Ցահքնան եվրոպացիներին կոչ է արել ավելի կոշտ դիրքորոշում ցուցաբերել Հունգարիայի վարչապետ Վիկտոր Օրբանի նկատմամբ։ Ցահքնան ասել է, որ Եվրոպայի պառակտումը կանխելու համար կարելի է նաև Հունգարիային զրկել ԵՄ խորհրդում ձայնի իրավունքից։ Այդ մասին հայտնում է Spiegel-ը։
«Հունգարիան շատ թույլ երկիր է, որը Պուտինի, ոչ թե մեր՝ եվրոպական թիմում է»,- ասել է Ցահքնան Բրյուսելում ՆԱՏՕ-ի արտգործնախարարների հանդիպման շրջանակում:
«Եվրամիության պայմանագրի 7-րդ հոդվածը նախատեսում է անդամ պետության ձայնի իրավունքը չեղարկելու հնարավորություն, եթե անդամակցությունը վտանգի տակ է դնում Եվրոպայի և մյուս անդամների անվտանգությունը: Այսպիսով, սա հենց այն է, ինչ անում է Օրբանը», - ասել է Ցահքնան: Հարցին, թե արդյո՞ք 7-րդ հոդվածն այժմ պետք է կիրառվի, նա պատասխանել է. «Մենք ունենք այդ հնարավորությունը, և ես կարծում եմ, որ դրա ժամանակը մոտենում է»:
