Նիդերլանդներում կա մի վայր, որտեղ մեքենաները բառացիորեն երթևեկում են լճի տակ։ Այս մասին Ֆեյսբուքի իր էջում գրել է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը։
«Վելյուվեմերի ակվեդուկը յուրահատուկ ինժեներական հրաշք է՝ սովորական կամրջի կամ թունելի փոխարեն այստեղ կառուցվել է ջրային կամուրջ, որի տակով անցնում է մայրուղի։ Ջուրը ակվեդուկում պահպանվում է ամուր պատերի շնորհիվ, իսկ նավերը հանգիստ լողում են վերևում:
Ինժեներության և բնության անհավանական համադրությունն ունի 25 մետր երկարություն և 19 մետր լայնություն, գտնվում է Նիդեռլանդների Հարդերվեյկ քաղաքի Վելյուվեմեր լճի վրա։ Կամուրջը բացվել է 2002 թվականին»։
