Հարավային Կորեայի Սահմանադրական դատարանը նախագահ Յուն Սուկ Յոլին պաշտոնանկ անելու մասին որոշում է կայացրել՝ հաստատելով խորհրդարանի իմպիչմենտի միջնորդությունը:
Պատճառը եղել է անցյալ տարի նրա կողմից ռազմական դրություն սահմանելու կարճաժամկետ որոշումը, ինչը երկրում առաջացրել է վերջին տասնամյակների ամենալուրջ քաղաքական ճգնաժամը: Նախագահի պաշտոնանկությունից հետո, համաձայն սահմանադրության, Հարավային Կորեայում 60 օրվա ընթացքում պետք է անցկացվեն նոր ընտրություններ:
Մինչև նոր նախագահի ընտրությունն ու երդմնակալությունը՝ ժամանակավորապես նախագահի պարտականությունները կկատարի վարչապետ Հան Դակ Սուն:
Գլխավոր դատավորի պաշտոնակատարը հայտարարել է, որ նախագահ Յոլը գերազանցել է իր սահմանադրական լիազորությունները: Նրա գործողությունները, ըստ դատավորի, լուրջ սպառնալիք են ստեղծել ժողովրդավարության համար: «Ռազմական դրություն հայտարարելով՝ նա խաթարել է հասարակության, տնտեսության և արտաքին քաղաքականության կայունությունը՝ դրանով իսկ խորը հարված հասցնելով ժողովրդի վստահությանը, որն այս ժողովրդավարական պետության հիմքն է», - նշել է Մունը:
Դատարանի որոշումը ընդունվել է միաձայն՝ բոլոր ութ դատավորների կողմից:
