Միջազգային
Դեմոկրատները դժգոհել են Անվտանգության գործակալության տնօրենի ազատման մասին լուրերից
ԱՄՆ Կոնգրեսի դեմոկրատ առաջնորդները դժգոհություն են հայտնել՝ իմանալով, որ Ազգային անվտանգության գործակալության տնօրեն, գեներալ Թիմ Հոն աշխատանքից հեռացվել է: Նրանցից մեկը նշել է, որ այս քայլը «բոլորիս անվտանգությունը վտանգի տակ է դնում»:
Ըստ The Washington Post-ի հրապարակված լուրերի՝ պաշտոնանկ են արվել ինչպես Թիմ Հոն, այնպես էլ նրա տեղակալ Վենդի Նոբլը: Գեներալ Հոն նաև ղեկավարում էր ԱՄՆ Կիբեռհրամանատարությունը, որը պատասխանատու է Պենտագոնի կիբերանվտանգության համար: Լուրը հաստատել են երեք պաշտոնյաներ՝ երկու գործող և մեկ նախկին, որոնք նախընտրել են անանուն մնալ:
Վիրջինիայից սենատոր Մարկ Ուորները, ով Սենատի հետախուզության հանձնաժողովի փոխնախագահն է, հայտարարել է. «Գեներալ Հոն ավելի քան երեք տասնամյակ ծառայել է մեր երկրին՝ աչքի ընկնելով պատվով և նվիրվածությամբ: Երբ ԱՄՆ-ն բախվում է կիբերհարձակումների աննախադեպ սպառնալիքների, ինչպե՞ս կարող է նրա պաշտոնանկությունը մեզ ավելի պաշտպանված դարձնել»:
Կոնեկտիկուտը ներկայացնող կոնգրեսական Ջիմ Հայմսը, ով Ներկայացուցիչների պալատի հետախուզության հանձնաժողովի կարևոր անդամ է, խոստովանել է, որ «շատ է անհանգստացած» այս որոշմամբ: «Գեներալ Հոն ազնիվ և սկզբունքային ղեկավար է, ով գործել է օրենքի շրջանակներում և առաջնահերթ համարել ազգային անվտանգությունը: Կարծում եմ՝ հենց այդ հատկություններն են նրան անցանկալի դարձրել ներկայիս վարչակազմի համար», - ասել է Հայմսը: Նա պնդել է, որ «այս որոշումը, որը մեզ ավելի խոցելի է դարձնում, անհապաղ բացատրություն է
