Միացյալ Նահանգները հստակեցրել է այն քայլերը, որոնք Վրաստանի կառավարությունը կարող է ձեռնարկել՝ ցույց տալու իր լրջությունը Միացյալ Նահանգների հետ հարաբերությունների բարելավման հարցում: Այս մասին ասվում է Դոնալդ Թրամփի երդմնակալությունից հետո Վրաստանի վերաբերյալ Պետդեպարտամենտի առաջին պաշտոնական մեկնաբանության մեջ։
«Ինչ վերաբերում է «Վրացական երազանքի» կառավարության ձեռնարկած հակաժողովրդավարական գործողություններին, ինչպես Մյունխենում նշեց փոխնախագահ Վանսը, դեմոկրատական մանդատը հնարավոր չէ ձեռք բերել հակառակորդներին գրաքննելով կամ բանտարկելով, ինչպես նաև՝ անտեսելով հիմնական ընտրազանգվածի տեսակետը, թե ով պետք է լինի մեր ընդհանուր հասարակության մաս»,- ասվում է globalnews.ge-ին տված Պետդեպարտամենտի մեկնաբանության մեջ։
