Միջազգային

Կարմիր ծովում «Truman» ավիակրին կմիանա ևս մեկը

Կարմիր ծովում ամրիկյան «Truman» ավիակրին կմիանա նաև հնդկա-խաղաղօվկիանոսյան տարածաշրջանում գտնվող «Carl Vinson» ավիակիրը, որպեսզի շարունակի նպաստել տարածաշրջանային կայունությանը և պաշտպանի առևտրային հոսքերը տարածաշրջանում։ Այս մասին հայտարարել է ԱՄՆ պաշտպանության նախարարության խոսնակ Շոն Փարնելը:

Իր հայտարարության մեջ Պենտագոնը չի հստակեցրել երկու ավիակիրների տեղակայման ժամանակահատվածը և վայրը: ԱՄՆ ռազմածովային ուժերի կազմում կա մոտ 10 ավիակիր։

Այս հայտարարությունն արվում է այն բանից հետո, երբ անցյալ ամիս Կարմիր ծովում «Harry S.Truman» ավիակրի վրա կատարված մի քանի հարձակումների պատասխանատվությունը ստանձնել են Եմենի հութի ապստամբները: