Միջազգային

Պեսկովը հաստատում է՝ Պուտինի խորհրդականը կարող է այցելել Վաշինգտոն

Պուտինի խորհրդական Կիրիլ Դմիտրիևի այցը Վաշինգտոն հնարավոր է, ՌԴ-ի և ԱՄՆ-ի շփումները շարունակվում են․ հայտնել Է ՌԴ նախագահի մամուլի քարտուղար Դմիտրի Պեսկովը:

«Այո, ես հաստատում եմ, որ նման այց կարող է լինել։ Մենք շարունակում ենք տարբեր ուղիներով մեր շփումը ամերիկացիների հետ», - ասել է Պեսկովը լրագրողներին։ 

Հիշցնենք, որ CNN-ը, հղում անելով իր աղբյուրներին, հայտնել էր, որ Դմիտրիևն այս շաբաթ կայցելի Վաշինգտոն՝ ԱՄՆ հատուկ բանագնաց Սթիվ Ուիթքոֆի հետ բանակցությունների համար: