Ռուբեն Ամորիմը հայտարարել է, որ Բրունու Ֆերնանդեշը կմնա «Մանչեսթեր Յունայթեդում»:
Ավելի վաղ տեղեկություններ էին տարածվել 30-ամյա պորտուգալացի կիսապաշտպանի նկատմամբ «Ռեալի» հետաքրքրության մասին: Նշվում է, որ տրանսֆերի հնարավոր գումարը կկազմի 90 մլն ֆունտ։
Ֆերնանդեշի պայմանագիրն անգլիական ակումբի հետ ուժի մեջ է մինչև 2027 թվականը՝ ևս մեկ մրցաշրջանով երկարաձգելու հնարավորությամբ:
«Ոչ, նա չի հեռանա։ Մենք ցանկանում ենք հաղթել ԱՊԼ-ում, մեր լավագույն խաղացողները պետք է լինեն մեզ հետ։ Նա մեզ պետք է, ուստի նա ոչ մի տեղ չի գնա։
Մենք վերահսկում ենք իրավիճակը, և ես զգում եմ, որ Բրունուն իսկապես երջանիկ է այստեղ: Նա հասկանում է, թե ինչի ենք ուզում հասնել։ Բացի այդ, կարծում եմ, նա դարձել է «Մանչեսթեր Յունայթեդի» երկրպագու։
Եվս մեկ անգամ ասեմ՝ նա մեզ պետք է և ոչ մի տեղ չի գնա։ Ես արդեն ասել եմ նրան այդ մասին»,- ասել է «Մանչեսթեր Յունայթեդի» գլխավոր մարզիչը:
