Լիբանանի նախագահ Ժոզեֆ Աունը դատապարտել է Իսրայելի կողմից Բեյրութի հարավային արվարձաններին հասցված հարվածը՝ կոչ անելով միջազգային դաշնակիցներին աջակցել երկրի «լիակատար ինքնիշխանության» իրավունքին:
«Իսրայելի՝ իր ագրեսիան շարունակելու համառությունը պահանջում է մեզանից ավելի մեծ ջանքեր՝ աշխարհում Լիբանանի բարեկամներին դիմելու և նրանց համախմբելու համար՝ ի պաշտպանություն մեր հողի նկատմամբ լիակատար ինքնիշխանության մեր իրավունքի», - ասել է Աունը հայտարարության մեջ:
Նա հարվածն անվանել է «վտանգավոր զգուշացում»՝ Լիբանանի դեմ ուղղված մտադրությունների մասին:
Հիշեցնենք, որ Իսրայելական ուժերը մեկ շաբաթվա ընթացքում երկրորդ անգամ են ռմբակոծել Լիբանանի մայրաքաղաք Բեյրութը. կա առնվազն 3 զոհ։
