Իրանի ԱԳ նախարար Աբաս Արաղչին հայտարարել է, որ Իրանը դեռ չի արձագանքել ԱՄՆ նախագահ Դոնալդ Թրամփի նամակին և այժմ աշխատում են այդ ուղղությամբ․
«Ամերիկայի հետ մեր բանակցություններում մեր դիրքորոշումը հստակ է»,- ասել է նա՝ նշելով, որ ռազմական սպառնալիքի ու տնտեսական պատժամիջոցների ավելացման ֆոնին իրենք ԱՄՆ-ի հետ ուղիղ չեն բանակցի։ «Բայց ԻԻՀ-ը միշտ պատրաստ է իր խաղաղ միջուկային ծրագրի շուրջ առավել թափանցիկություն ստեղծելու համար բանակցել։ Հենց հիմա էլ մենք եվրոպական երեք երկրների հետ ունենք բանակցություններ և մեր միջուկային ծրագրի վերաբերյալ երբեք չենք լքել բանակցային սեղանն ու չենք լքի»,- ասել է նա։
