ԱՄՆ նախագահ Դոնալդ Թրամփն ակնկալում է, որ Ուկրաինայի հետ հազվագյուտ հողային մետաղների շուրջ համաձայնագիրը շուտով կստորագրվի: Նահանգների ղեկավարը լրագրողներին աել է, որ Կիևի հետ պայմանավորվածության են եկել:
Այժմ, նրա խոսքով, Վաշինգտոնն ու Կիևը քննարկում են տարածքների, ուկրաինական էլեկտրակայանների վերահսկման շուրջ հարցեր: Կողմերն ավելի վաղ համաձայնության էին եկել հազվագյուտ մետաղների, կարևոր օգտակար հանածոներ և այլ բնական ռեսուրսների համատեղ շահագործման շուրջ:
ԱՄՆ-ի պատվիրակությունը կիրակի օրը հանդիպել էր ուկրաինացի պաշտոնյաների հետ, իսկ երկուշաբթի՝ ռուսական պատվիրության հետ: Բանակցությունները հիմնականում կենտրոնացած էին Սև ծովում հրադադարի վրա, սակայն Թրամփն ասել է, որ այլ հարցեր էլ են ծագում:
«Հիմա խոսում ենք տարածքի մասին։ Մենք խոսում ենք սահմանազատման գծերի, էլեկտրակայանի սեփականության մասին։ Որոշ մարդիկ ասում են, որ էլեկտրակայանը պետք է պատկանի Միացյալ Նահանգներին, քանի որ մենք փորձ ունենք»,- հավելել է նա:
