Միջազգային
«Որտեղ մենք կարող ենք առաջարկել մեր օգնությունը, մենք այնտեղ ենք». Բոճորիշվիլի
Վրաստանն ունի հստակ դիրքորոշում. մենք կարող ենք նպաստել Հայաստանի և Ադրբեջանի հարաբերությունների խորացմանը՝ տարածաշրջանում խաղաղության ամրապնդման նպատակով։ Այս մասին հայտարարել է ԱԳ նախարար Մակա Բոճորիշվիլին։
Նրա խոսքով՝ Վրաստանն աջակցում է Հայաստանի և Ադրբեջանի միջև խաղաղության համաձայնագրի կնքմանը և տարածաշրջանում կայուն խաղաղության հաստատմանը․
«Վրաստանը վճռականորեն աջակցում է Հայաստանի և Ադրբեջանի միջև խաղաղության համաձայնագրին և մեր տարածաշրջանում կայուն խաղաղությանը։ Վրաստանի դիրքորոշումը շատ պարզ է և հստակ. մենք պատրաստ ենք լինել այնտեղ, որտեղ կարող ենք նպաստել երկու երկրների հարաբերությունների խորացմանը, որտեղ կարող ենք առաջարկել մեր օգնությունը՝ տարածաշրջանում խաղաղության, համագործակցության և երկխոսության ամրապնդմանը նպաստելու համար։ Մենք հավատում ենք, որ խաղաղության և անվտանգության շնորհիվ մենք կարող ենք շատ բան անել։ Մեր տարածաշրջանի ներուժը կարող է իրացվել միայն մեր լավ համագործակցության դեպքում»,- ասել է Բոճորիշվիլին։
