Սերբիայի նախագահ Ալեքսանդր Վուչիչը, մեկնաբանելով երկրում ընթացող զանգվածային ցույցերը,հայտարարել է, որ չի պատրաստվում հրաժարական տալ։
Նա ասել է, որ պատրաստ է առաջիկա 3-4 ամիսների ընթացքում նոր ընտրությունների, եթե դա պահանջի ընդդիմությունը, բայց կարծում է, որ այս ընտրություններն իրեն ավելի համոզիչ հաղթանակ կտան։
Վուչիչի խոսքով, բողոքի ցույցերի ընթացքում տուժել է 56 մարդ, իսկ 22-ը ձերբակալվել է ոստիկանների վրա հարձակումների և գույքը վնասելու համար։
Նշենք, որ Սերբիայի նախագահի հրաժարականի պահանջով զանգվածային ցույցերին, ըստ տարբեր գնահատականների, մասնակցել է ավելի քան 1 միլիոն մարդ։
Պետական կառույցների գնահատականներով՝ ցույցերին մասնակցել է 88,000-ից 107,000 մարդ։
