Միջազգային
«Նման հարցերի վերացումից հետո խաղաղության համար ավելի լավ պայմաններ կստեղծվեն». Հաջիև
Ադրբեջանի նախագահի օգնական Հիքմեթ Հաջիևը կրկին հայտարարել է, որ տարածաշրջանում խաղաղության համար Հայաստանի Սահմանադրությունում պետք է փոփոխություններ արվեն։
Նրա խոսքով՝ փոփոխությունները պետք է վերաբերեն Հայաստանի Սահմանադրության մեջ արտացոլված «Ադրբեջանի նկատմամբ տարածքային հավակնություններին»։ Նա մեջբերել է նաև միջազգային համապատասխան փորձը. «Իռլանդիան պարտավորվել է փոփոխություններ կատարել իր Սահմանադրության մեջ և ճանաչել Միացյալ Թագավորության լիակատար ինքնիշխանությունը Հյուսիսային Իռլանդիայի նկատմամբ»։
«Դա անհրաժեշտ պայման է տարածաշրջանում համապարփակ խաղաղության ապահովման համար։ Այսօր Մինսկի խմբի կարիք չկա։ Եթե ինչ-որ մեկը փորձում է վերակենդանացնել Մինսկի խումբը, դա ուտոպիա է։ Հայաստանը փորձում է պահպանել Մինսկի խումբը։ Նման հարցերի վերացումից հետո, կապված հատկապես Հայաստանի Սահմանադրության հետ,տարածաշրջանում խաղաղության օրակարգի համար ավելի լավ պայմաններ կստեղծվեն»,- հավելել է Հաջիևը:
