ՌԴ նախագահ Վլադիմիր Պուտինը ժամանել է Կուրսկի շրջան և այցելել հրամանատարական կետերից մեկը։ Նա հայտարարել է, որ Կուրսկի շրջանը պետք է ամբողջությամբ ազատագրվի, պետք է մտածել պետական սահմանի երկայնքով անվտանգության գոտի ստեղծելու մասին։
«Առաջիկայում խնդիր է դրված վերջնականապես ջախջախել հակառակորդին։ Կուրսկի շրջանում Ռուսաստանի դեմ հանդես եկողներն ահաբեկիչներ են»,- ասել է ՌԴ նախագահը՝ միևնույն ժամանակ հայտարարելով, որ Կուրսկում գերի ընկածներին պետք է մարդասիրաբար վերաբերվել։
Նա շնորհակալություն է հայտնել Գլխավոր շտաբի ղեկավարությանը և ստորաբաժանումներին՝ կատարած աշխատանքի համար։
Գլխավոր շտաբի պետ Գերասիմովը Պուտինին զեկուցել է, որ ռուսական զորքերը Կուրսկի սահմանային գոտում ազատագրել են ավելի քան 1100 քառակուսի կիլոմետր տարածք։
«Ուկրաինայի զինված ուժերի կորուստները Կուրսկի սահմանային գոտում գերազանցել է 67 հազարը։ Կիևը ցանկանում էր կամուրջ ստեղծել Կուրսկի շրջանում, իրավիճակը դարձնել սակարկելի, սակայն նրանց ծրագրերը ձախողվել են»,- ասել է նա։
