Միջազգային
Արտակարգ իրավիճակ Հյուսիսային ծովում. նավերի բախվումից հետո թունավոր նյութեր են արտահոսել
Միացյալ Թագավորության արևելյան ափերի մոտ՝ Հյուսիսային ծովում, բախվել են թունաքիմիկատներ տեղափոխող բեռնանավը և ավիավառելիք տեղափոխող տանկերը։ Բախումից հետո երկու նավերն էլ բռնկվել են։ Վերջին տվյալների համաձայն՝ բեռնանավի անձնակազմի մեկ անդամ համարվում է անհետ կորած. գրում է BBC-ն։
Ամերիկյան Stena Immaculate տանկերը, որը շահագործվում է Crowley ընկերության կողմից, խարսխված էր Բրիտանիայի Քինգստոն-ապոն-Հալ քաղաքին և Գրիմսբի նավահանգստին մոտ, երբ նրան է մոտեցել Պորտուգալիայի դրոշի ներքո գտնվող Solong բեռնատար նավը։
Տանկերի վրա գտնվել է Jet A-1 տեսակի ռեակտիվ վառելիք, իսկ Solong-ի բեռների թվում եղել է 15 կոնտեյներ նատրիումի ցիանիդով։ Այս թունավոր նյութը վտանգավոր է կենդանի օրգանիզմների, այդ թվում՝ ձկների կյանքի համար, և տաքանալու դեպքում կարող է արտազատել վտանգավոր գազեր։
BBC-ն գրում է, որ որոշակի քանակությամբ վառելիք թափվել է ծովը, սակայն դեռևս պարզ չէ՝ արդյոք բեռնանավից թունավոր նյութեր են արտահոսել ջրի մեջ։
Բախման պատճառները դեռևս հայտնի չեն։ Դեպքի առթիվ սկսվել է հետաքննություն։
