Միջազգային
Գերմանիայի 13 օդանավակայանում գործադուլ է. հազարավոր չվերթներ հետաձգվել են
Այսօր հայտարարված մեկօրյա գործադուլի պատճառով Գերմանիայում հազարավոր չվերթներ հետաձգվել են այնպիսի կենտրոններում, ինչպիսիք են Բեռլինը, Ֆրանկֆուրտը, Դյուսելդորֆը և Մյունխենը:
Գերմանիայի գործադուլը ընդգրկել է 13 օդանավակայան:
Ամբողջ երկրում ավելի քան կես միլիոն մարդ բախվել է ճանապարհորդության ընդհատումների խնդրին:
Կեսգիշերին սկսված 24-ժամյա գործադուլին մասնակցում են օդանավակայանների բյուջետային ոլորտի աշխատակիցները, ինչպես նաև ցամաքային և անվտանգության ծառայությունների աշխատակիցները:
Գերմանիայի ամենածանրաբեռնված Ֆրանկֆուրտի օդանավակայանի օպերատորը հայտարարել է, որ երկուշաբթի այնտեղից ոչ մի ուղևորատար չվերթ չի իրականացվի: Երեքշաբթի հնարավոր են թռիչքների հետաձգումներ և չեղարկումներ: Նախատեսված 1116 չվերթներից, որոնք ժամանում և մեկնում են ըստ չվացուցակի, 1050-ն արդեն չեղարկվել են, և ակնկալվում է, որ դրանց թիվը կավելանա:
Բեռլինի օդանավակայանում չեղյալ են հայտարարվել մեկնման և ժամանման բոլոր կանոնավոր չվերթները, իսկ Համբուրգի օդանավակայանում հայտնել են, որ մեկնումներն անհնար են:
