Ուկրաինայի նախագահ Վոլոդեմիր Զելենսկին հաստատել է, որ հաջորդ շաբաթ Սաուդյան Արաբիայում տեղի կունենան Ուկրաինայի և ԱՄՆ-ի պատվիրակությունների բանակցությունները։ Նրանք քննարկելու են խաղաղության հաստատման համար երկու երկրների համագործակցությունը։ Հայտարարությունը Զելենսկին արել է Բրյուսելում՝ Եվրամիության գագաթնաժողովի ժամանակ, որտեղ եվրոպացի առաջնորդները որոշել են կտրուկ ուժեղացնել մայրցամաքի անվտանգությունը՝ Ռուսաստանի ագրեսիայի ֆոնին․ հայտնում է BBC-ն։
Զելենսկին սոցիալական ցանցերում գրել է, որ երկուշաբթի օրը կմեկնի Սաուդյան Արաբիա, որտեղ կհանդիպի թագաժառանգ արքայազն Մուհամմեդ բին Սալմանին․ «Դրանից հետո իմ թիմը կմնա Սաուդյան Արաբիայում՝ աշխատելու ամերիկացի գործընկերների հետ»,– ավելացրել է Վլադիմիր Զելենսկին:
Մինչ այդ ԱՄՆ նախագահ Դոնալդ Թրամփի հատուկ բանագնաց Սթիվ Ուիթքոֆը լրագրողներին ասել է, որ նախատեսում է մեկնել Սաուդյան Արաբիա՝ Ուկրաինայի պատվիրակության հետ հանդիպման։ «Խնդիրն այն է, որ մշակենք խաղաղ համաձայնագրի և նախնական հաշտության շրջանակ»,– ասել է նա։
