Միջազգային
Թրամփը կքննարկի Ուկրաինային Բայդենի հաստատած օգնությունը չեղարկելու հարցը. NYT
ԱՄՆ նախագահ Դոնալդ Թրամփն այսօր հանդիպում կունենա ազգային անվտանգության հարցերով իր գլխավոր օգնականների, այդ թվում՝ պետքարտուղար Մարկո Ռուբիոյի և պաշտպանության նախարար Փիթ Հեգսեթի հետ:
Ինչպես գրում է The New York Times,-ը, Թրամփի վարչակազմի ներկայացուցիչը հայտնել է, որ հանդիպմանը նախատեսվում է քննարկել և, հնարավոր է, միջոցներ ձեռնարկել Ուկրաինայի հետ կապված քաղաքականության մի շարք տարբերակների ուղղությամբ:
«Դրանք ներառում են Ուկրաինային ամերիկյան ռազմական օգնության կասեցումը կամ չեղարկումը, ներառյալ զինամթերքի և սարքավորումների վերջին մատակարարումները, որոնք հաստատվել և վճարվել են նախագահ Ջո Բայդենի օրոք», - գրում է պարբերականը:
Ինչպես հիշեցնում է NYT-ը, Զելենսկին Լոնդոնում կայացած հանդիպման ժամանակ աջակցության ժեստեր է ստացել 18 առաջնորդների կողմից։
«Այնուամենայնիվ, համերաշխության այս դրսևորման հետևում թաքնված էր այն խոստովանությունը, որ Միացյալ Նահանգներից աջակցության պահպանումը մնում է կարևոր», - ընդգծում է պարբերականը։
