Ուկրաինան և ԱՄՆ-ն օգտակար հանածոների համաձայնագրի բանակցությունների եզրափակիչ փուլերում են։
Ուկրաինայի փոխվարչապետ Օլգա Ստեֆանիշինան «X»-ի իր էջում հայտնել է, որ ուկրաինական և ամերիկյան թիմերը դուրս են եկել համաձայնագրի քննարկման եզրափակիչ փուլ, և գրեթե բոլոր առանցքային մանրամասներն արդեն համաձայնեցված են:
«Բանակցությունները շատ կառուցողական են անցել։ Մենք հույս ունենք, որ ԱՄՆ-ի և Ուկրաինայի ղեկավարները կկարողանան հնարավորինս արագ ստորագրել և հաստատել համաձայնագիրը Վաշինգտոնում», - հայտարարել է նա։
