Գերմանիայի կանցլերի պաշտոնը վերջինը կլինի Օլաֆ Շոլցի քաղաքական կարիերայում։ Նա այդ մասին հայտարարել է «Yung & Naiv» պոդկաստում։ Բունդեստագի արտահերթ ընտրությունները տեղի կունենան փետրվարի 23-ին:
Շոլցը հույս է հայտնել, որ առաջիկա ընտրություններից հետո կշարունակի մնալ դաշնային կանցլերի պաշտոնում, սակայն, ամեն դեպքում, նրա խոսքով, այդ պաշտոնը վերջինը կլինի իր քաղաքական կարիերայում: Նա հայտարարել է, որ ցանկանում է դառնալ «միանգամայն սովորական քաղաքացի»։
