Միջազգային
Ապաշրջափակման հարցում Ռուսաստանն ու Իրանն ունեն նույն մոտեցումները. Զախարովա
Հարավային Կովկասում ճանապարհների ապաշրջափակման հարցում Ռուսաստանն ու Իրանն ունեն նույն մոտեցումները․ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Հայաստանում Իրանի դեսպան Մեհդի Սոբհանիի հայտարարությունը։
«Դա հաստատվել է ս․թ․ հունվարի 17-ին՝ Մոսկվայում ստորագրված ռուս-իրանական համապարփակ ռազմավարական գործընկերության պայմանագրում։ Կողմերը նպաստում են հարևան տարածաշրջաններում, այդ թվում՝ Հվ․ Կովկասում խաղաղության և անվտանգության պահպանմանը», - ասել Է Զախարովան։
Միակ տարբերությունն, ըստ նրա, այն է, որ Ռուսաստանը Հվ․ Կովկասում տրանսպորտային և տնտեսական կապերի ապաշրջափակման հարցով Ռուսաստանի, Ադրբեջանի և Հայաստանի փոխվարչապետների եռակողմ աշխատանքային խմբի մասնակից է:
Նա հիշեցրել է, որ հիշյալ խմբի շրջանակներում արդեն հսկայական աշխատանք է կատարվել ինչպես իրավական հիմքերի, այնպես էլ՝ տեխնիկական պարամետրերի համաձայնեցման, Հայաստանի և Ադրբեջանի միջև տրանսպորտային ուղիների վերականգնման ուղղությամբ․
«Հաղորդակցությունների ապաշրջափակման հիմնական սկզբունքը պետությունների ինքնիշխանության և իրավազորության պահպանումն է իրենց տարածքով անցնող երթուղիների նկատմամբ։ Այս պայմանը հավանության է արժանացել և՛ Բաքվի, և՛ Երևանի կողմից։ Ցավոք, խմբի աշխատանքը հայկական կողմի դիրքորոշման պատճառով սառեցված է», - ասել Է Զախարովան։
