Միջազգային
Ռուսաստանի ռազմական ծախսերը գերազանցել են Եվրոպայի բոլոր պաշտպանական բյուջեները՝ միասին. IISS
Ռազմավարական հետազոտությունների միջազգային ինստիտուտը (IISS)) հրապարակել է 2025 թվականի «ռազմական հավասարակշռության» զեկույցը։
Զեկույցի համաձայն՝ Ռուսաստանի ռազմական ծախսերը, որի տնտեսությունը Ուկրաինայում պատերազմի պատճառով դրվել է ռազմական ռելսերի վրա, ներկայումս գերազանցում է Եվրոպայի բոլոր պաշտպանական բյուջեները՝ միասին վերցրած:
Ռուսաստանի ընդհանուր պաշտպանական ծախսերն 2024-ին իրական արտահայտությամբ աճել են 42% -ով և կազմել 13,1 տրիլիոն ռուբլի: Սա համարժեք է 462 միլիարդ ԱՄՆ դոլարի։
Ըստ IISS-ի կանխատեսումների՝ այս տարի Ռուսաստանի ընդհանուր պաշտպանական ծախսերը, ներառյալ՝ տարածաշրջանային իշխանությունների և ընկերությունների կամավոր վճարումները, կավելանան 13,7% -ով և կհասնեն 15,6 տրիլիոն ռուբլու, ինչը համարժեք է ՀՆԱ-ի 7,5% -ին կամ Ռուսաստանի դաշնային ծախսերի գրեթե 40% -ին:
Չնայած հանգամանքին, որ սա բացասաբար է անդրադարձել ռուսական տնտեսության վրա, IISS-ը հայտարարել է, որ Ռուսաստանը դեռ կարող է կրել պատերազմի ծախսերը:
Ի հակադրություն, եթե Եվրոպան պաշտպանական ծախսերը հասցներ ՀՆԱ-ի 3% - ի, ապա դա, ըստ IISS-ի, կկազմեր լրացուցիչ 250 միլիարդ դոլար: Եթե այն աճեր մինչև ՀՆԱ-ի 5% -ը, ապա պաշտպանական ծախսերը կաճեին մոտ 800 միլիարդ դոլարով՝ գրեթե կրկնապատկելով Ռուսաստանի ներկայիս ծախսերի մակարդակը:
Այնուամենայնիվ, ըստ IISS-ի, եվրոպական պաշտպանական ծախսերն արդեն կրկնապատկվել են 2014 թվականից ի վեր, և «բյուջեի սահմանափակումները կարող են դանդաղեցնել հետագա աճը:
Համեմատության համար՝ Գերմանիայի պաշտպանական բյուջեն աճել է 23%-ով և հասել 86 միլիարդ դոլարի, ավելի քան երեք տասնամյակի ընթացքում առաջին անգամ գերազանցելով Մեծ Բրիտանիայի պաշտպանական բյուջեն (81 միլիարդ դոլար):
